🇰🇭.ស្នងការដ្ឋាននគរបាលខេត្តមណ្ឌលគិរីបើកកិច្ចប្រជុំស្តីពីការ ផ្សព្វផ្សាយ និងជំរុញការផ្តល់អត្តសញ្ញាណសញ្ជាតិខ្មែរគំរូថ្មី ជូនប្រជាពលរដ្ឋមានអាយុ ១៥ ឆ្នាំទ្បើង
៚=======៚

👮‍♂.ខេត្តមណ្ឌលគិរី ៖ ថ្ងៃពុធ៩កើត ខែកក្តិក ឆ្នាំខាល ចត្វាស័ក ពុទ្ធសករាជ.២៥៦៦ ត្រូវនឹង ថ្ងៃទី០២ ខែវិច្ឆិកា ឆ្នាំ២០២២ នៅសាលប្រជុំនៃស្នងការដ្ឋាននគរបាលខេត្តបានបើកកិច្ចប្រជុំស្តីពីការ ផ្សព្វផ្សាយ និងជំរុញការផ្តល់អត្តសញ្ញាណសញ្ជាតិខ្មែរគំរូថ្មី ជូនប្រជាពលរដ្ឋមានអាយុ ១៥ ឆ្នាំទ្បើង និងប្រជាពលរដ្ឋដែលមានអត្តសញ្ញាណប័ណ្ណសញ្ជាតិខ្មែរអស់សុពលភាពមុនរយះពេល ៩០ ថ្ងៃ អោយមកធ្វើអោយទាន់ពេលវេលា ។​ នៅស្នងការដ្ឋាននគរបាលខេត្តមណ្ឌលគិរីកិច្ចប្រជុំនេះដែរធ្វើឡើង ក្រោមអធិបតីភាពលោក ឧត្តមសេនីយ៍ទោ បុិច សឿន អនុប្រធាននាយកដ្ឋានអត្តសញ្ញាណកម្មសញ្ជាតិខ្មែរនៃអគ្គនាយកដ្ឋានអត្តសញ្ញាណកម្ម ។ ដោយមានការអញ្ជើញចូលរួមពីលោក ឧត្តមសេនីយ៍ត្រី ហង្ស ចាន់សុទ្ធី ស្នងការរងទទួលផែនការងារអត្តសញ្ញាណកម្ម តំណាងដ៏ខ្ពង់ខ្ពស់លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរីលោកអធិការនិងលោកអធិការរង ទទួលការងារអត្តសញ្ញាណកម្មក្រុង ស្រុកទាំង០៥។ លោក.លោកស្រីនាយ នាយរង និងមន្ត្រីទាំងអស់ចំណុះផែនការងារអត្តសញ្ញាណកម្មសរុបទាំងអស់ ចំនួន២៧រូបដែលមានវត្តមាននៅក្នុងកិច្ចប្រជុំនោះផងដែរ៕